வடவள்ளி: வங்கி மேலாளர் வீட்டில் திருட்டு
நவீன் கோவையில் உள்ள ஒரு வங்கியில் முதுநிலை மேலாளராக பணிபுரிந்து வருகிறார். இவரின் வீடு வடவள்ளியில் உள்ளது. நேற்று நவீன் குமாரின் தாயார் வீட்டைப் பூட்டிவிட்டு வெளியே சென்றிருந்தார். சுமார் இரண்டு மணி நேரம் கழித்து திரும்பி வந்தபோது, வீட்டின் கதவு பூட்டு உடைக்கப்பட்டிருந்தது கண்டுபிடிக்கப்பட்டது. உள்ளே சென்று பார்த்தபோது, பீரோவில் இருந்த கால் பவுன் கம்மல், கால் பவுன் மோதிரம் மற்றும் ரூ. 10, 000 பணம் கொள்ளையடிக்கப்பட்டிருந்தது தெரியவந்தது. இது குறித்து நவீன் குமார் வடவள்ளி காவல்நிலையத்தில் புகார் அளித்தார். புகாரின் அடிப்படையில், சப்-இன்ஸ்பெக்டர் தனசேகரன் வழக்குப் பதிவு செய்து விசாரணை மேற்கொண்டு வருகிறார். வீட்டில் யாரும் இல்லாத நேரத்தைப் பயன்படுத்தி திருடர்கள் இக்கொள்ளையை நடத்தியிருக்கலாம் என காவல்துறையினர் சந்தேகிக்கின்றனர்.
