அண்ணாவின் 116-ஆவது பிறந்தநாள் விழா!!
கோவை காந்திபுரத்தில் உள்ள பேரறிஞர் அண்ணாவின் திருவுருவச் சிலைக்கு, அவரது 116வது பிறந்தநாளை முன்னிட்டு திமுக நிர்வாகிகள் மரியாதை செலுத்தினர். கோவை மாநகர் மாவட்ட திமுக செயலாளர் நா. கார்த்திக் தலைமையில் நடைபெற்ற இந்நிகழ்வில், கட்சியின் முக்கிய பிரமுகர்கள் மற்றும் ஆயிரக்கணக்கான தொண்டர்கள் கலந்து கொண்டனர். இன்று (15. 09. 2024) காலை நடைபெற்ற இந்த நிகழ்வில், கோவை மாநகராட்சி மேயர் இரா. ரங்கநாயகி உள்ளிட்ட பல முக்கிய நிர்வாகிகள் கலந்து கொண்டனர். அண்ணாவின் சிலைக்கு மலர்மாலை அணிவித்து, அவரது அரசியல் மற்றும் சமூக பங்களிப்புகளை நினைவு கூர்ந்தனர்.
