மணப்பாறை: லங்கர் கட்டையை பயன்படுத்தி சூதாட்டம் 5 பேர் கைது
மணப்பாறை அருகே வளநாடு காவல் நிலைய எல்லைக்குட்பட்ட பகுதியில் லங்கர் கட்டை பயன்படுத்தி சூதாட்டத்தில் ஈடுபட்ட ஐந்து பேரை போலீசார் கைது செய்தனர். வளநாடு காவல் நிலைய எல்லைக்குட்பட்ட கலிங்கப்பட்டி கலிங்ககுலம் அருகே லங்கர் கட்டையை பயன்படுத்தி சூதாட்டம் நடைபெறுவதாக கிடைத்த தகவலின் பெயரில் வளநாடு போலீசார் அப்பகுதியில் சோதனை மேற்கொண்ட போது அங்கு சூதாட்டத்தில் ஈடுபட்ட ஐந்து பேரை கையும் களவுமாக பிடித்தனர். அவர்களிடம் இருந்து 4480 ரொக்கம் ஒரு இருசக்கர வாகனம் 4 ஆண்ட்ராய்டு மொபைல்களை பறிமுதல் செய்த போலீசார் ஐவரையும் கைது செய்து காவல் நிலைய ஜாமினில் விடுவித்தனர்.
