நாமக்கலில் இளம்பெண் பேருந்தில் சிக்கி உயிரிழப்பு

நாமக்கல் குமாரபாளையத்தில் பைக்கில் சென்ற இளம்பெண், கீழே விழுந்து பேருந்தில் சிக்கி உயிரிழந்தார். கவரிங் நகைக்கடையில் பணியாற்றி வந்த திரிஷா என்ற பெண், நேற்றிரவு நண்பர் கோகுலுடன் பைக்கில் சென்றுள்ளார். முன்னால் சென்ற அரசுப்பேருந்தை கோகுல் முந்திச் செல்ல முயன்றுள்ளார். அப்போது இருவரும் நிலைதடுமாறி கீழே விழுந்துள்ளனர். இதில், பேருந்தின் சக்கரத்தில் சிக்கி திரிஷா படுகாயமடைந்தார். அரசு மருத்துவமனையில் சேர்ந்த நிலையில் உயிரிழந்தார். கோகுல் உயிர் தப்பினார்.