திருச்சியில் கள்ளச் சந்தையில் மது பதுக்கி விற்றவர் கைது
திருச்சி கொட்டப்பட்டு பகுதியில் கள்ளத்தனமாக மது விற்பனை செய்வதாக மதுவிலக்கு பிரிவு போலீசாருக்கு தகவல் கிடைத்தது. இதன் பேரில் போலீசார் நேற்று(அக்.28) சோதனை மேற்கொண்டனர். அப்போது கள்ளத்தனமாக மதுவை பதுக்கி விற்பனை செய்த பொன்மலையைச் சேர்ந்த கணேசன் என்பவரை போலீசார் கைது செய்தனர். மேலும் அவரிடம் இருந்து ரூ. 13, 000 மதிப்புள்ள 37 மது பாட்டில்களை மதுவிலக்கு போலீசார் பறிமுதல் செய்தனர்.
