வேலூர்: ஓவிய போட்டிகளில் 300க்கும் மேற்பட்ட மாணவர்கள் பங்கேற்பு
ஏலகிரி மலையில் குழந்தைகள் தின விழாவை முன்னிட்டு அரசு மற்றும் தனியார் பள்ளி மாணவ மாணவிகள் ஓவியப் போட்டியில் 300 பேர் பங்கேற்பு! வெற்றி பெற்றவர்களுக்கு பரிசுகள் திருப்பத்தூர் மாவட்டம், ஏலகிரி மலை அருகே உள்ள பள்ளக்கனியூர் பகுதியில் உள்ள தனியார் ஹோட்டலில் குழந்தைகள் தின விழாவை முன்னிட்டு திருப்பத்தூர் மாவட்டம், திருப்பத்தூர், ஜோலார்பேட்டை, ஏலகிரி மலை, வாணியம்பாடி நாட்டறம்பள்ளி, ஆம்பூர் உள்ளிட்ட அரசு மற்றும் தனியார் பள்ளி மாணவ மாணவிகள் ஐந்தாம் வகுப்பு முதல் 12ஆம் வகுப்பு வரை உள்ள பள்ளி மாணவ மாணவிகளுக்கு ஓவியப் போட்டி நடைபெற்றது. இதில் 300க்கும் மேற்பட்ட மாணவ மாணவிகள் கலந்து கொண்டு தங்களது தனித்திறமைகளை வெளிப்படுத்தினர். இதில் நான்காம் வகுப்பு மாணவன் தென்னையன் தனது தனித்திறமையை வெளிப்படுத்தி முதல் பரிசு பெற்று 5 ஆயிரம் ரூபாய் பெற்றார். மேலும் வெற்றி பெற்ற மாணவ மாணவிகளுக்கு இரண்டாம் பரிசு 3000 ரூபாய் எனவும் மூன்றாம் பரிசு 2000 ரூபாய் எனவும் வழங்கப்பட்டது. இந்த நிகழ்வில் பள்ளியின் ஆசிரியர்கள் மற்றும் மாணவ மாணவிகளின் பெற்றோர்கள், மலைவாழ் மக்கள் என பலர் கலந்து கொண்டனர் என்பது குறிப்பிடத்தக்கது.
