திருத்தணியில் ஆர்எஸ்எஸ் அணிவகுப்பு ஊர்வலம்
ஆர்எஸ்எஸ் சங்கத்தின் நூற்றாண்டு துவக்க விழாவை முன்னிட்டு திருவள்ளூர் மாவட்டம் சார்பில் திருத்தணியில் சீருடை அணிவகுப்பு நடைபெற்றது. திருத்தணியில் அரக்கோணம் சாலையில் முருகன் கோயில் மலை அடிவாரத்திலிருந்து தொடங்கிய அணிவகுப்பு ஊர்வலத்திற்கு அச்சங்கத்தின் நகர தலைவர் டாக்டர் ஸ்ரீ கிரண் தலைமை வகித்தார். இதில் 500க்கும் மேற்ப்பட்ட தொண்டர்கள் கலந்துகொண்டனர். பேருந்து நிலையம், கடப்பா சாலை, சித்தூர் சாலை, பைபாஸ் சாலை உள்ளிட்ட நகரின் முக்கிய சாலைகள் வழியாக அணிவகுப்பு ஊர்வலம் நடைபெற்றது. இறுதியாக சென்னை பைபாஸ் சாலையில் உள்ள மைதானத்தில் பொது நிகழ்ச்சி நடைபெற்றது. ஆர்எஸ்எஸ் அணிவகுப்பு பேரணியில் அசம்பாவித சம்பவங்கள் நிகழாமல் தடுக்கும் வகையில் மாவட்ட எஸ்பி சீனிவாச பெருமாள் உத்தரவின் பேரில் திருத்தணி டிஎஸ்பி கந்தன் தலைமையில் 400-க்கும் மேற்பட்ட போலீசார் பாதுகாப்பு பணியில் ஈடுபட்டனர்.
