மீஞ்சூர்: ரயிலில் தவறி விழுந்த கல்லூரி மாணவி படுகாயம்
திருவள்ளூர் மீஞ்சூர் ரயில் நிலையத்தில் தாம்பரத்திலிருந்து கும்மிடிப்பூண்டி நோக்கி சென்ற மின்சார ரயிலில் இருந்து இறங்க முயன்ற போது, மீஞ்சூர் அருகே உள்ள கேசவபுரம் கிராமத்தைச் சேர்ந்த ஈஷா ஸ்ருதி (17 வயது) தவறி விழுந்து படுகாயம் அடைந்தார். ரயில் நிலையத்தில் மகளை அழைத்துச் செல்ல வந்த தந்தை, ரயில் நிலையம் பிளாட்பார்மில் அருகில் இருந்தவர்கள் உதவியுடன் மீஞ்சூர் ஆரம்ப சுகாதார நிலையத்திற்கு கொண்டு சென்றார். முதலுதவி சிகிச்சைக்குப் பின்னர் மாணவி ஸ்ருதி மேல் சிகிச்சைக்காக சென்னை ஸ்டான்லி அரசு மருத்துவமனைக்கு கொண்டு செல்லப்பட்டு தீவிர சிகிச்சை பிரிவில் அனுமதிக்கப்பட்டார். விபத்து குறித்து கொருக்குப்பேட்டை இருப்புப் பாதை காவல் துறையினர் வழக்குப் பதிவு செய்து விசாரணை மேற்கொண்டு வருகின்றனர்.
