திருவள்ளூர்: பேரூராட்சி ஒப்பந்த தொழிலாளர்கள் குற்றச்சாட்டு
திருவள்ளூர் மாவட்டம் மீஞ்சூர் பேரூராட்சி சுமார் 18 வார்டு உறுப்பினர்களைக் கொண்ட ஒரு மிகப்பெரிய பேரூராட்சியாகும். குறிப்பாக இந்த பேரூராட்சியில் வளர்ச்சிப் பணிக்காக பல கோடி ரூபாய் ஒதுக்கப்படுகின்றன. ஆனால் பல இடங்களில் கால்வாய்கள் துர்வாரப்படாமல் குறிப்பாக மீஞ்சூர் பேரூராட்சி அலுவலகம் அமைந்துள்ள சாலையின் இருக்கும் கால்வாய் பல மாதங்களாக துர்வாரப்படாமல் கொசுக்களை உற்பத்தி செய்யும் ஒரு இடமாகவே காட்சியளிக்கிறது. இந்த நிலையில் ஒப்பந்த தொழிலாளி சதீஷ் ஒரு பகுதியில் உள்ள கால்வாயை சுத்தம் செய்வதற்காக சென்றுள்ளார். அந்த கால்வாயில் இருக்கும் அசுத்தங்களையும் குப்பைகளையும் அகற்றுவதற்கு அவரிடத்தில் உபகரணம் ஒன்றுமில்லை. ஒரு கொம்பை வைத்து குப்பைகளை அகற்றுவதை அந்த பகுதியில் இருக்கும் ஒரு நபர் படம் பிடித்து தற்போழுது சமூக வலைத்தளங்களில் அது பரவி வருகிறது. சதீஷ் ஒரு ஒப்பந்த தொழிலாளி. கடந்த ஆறு வருடங்களாக மீஞ்சூர் பேரூராட்சியில் இவர் துப்புரவு பணியாளராக வேலை செய்கிறார் என்பது குறிப்பிடத்தக்கது. இங்குள்ள நிரந்தர தொழிலாளர்கள் கேட்ட போழுது உண்மைதான் ஒப்பந்த பணியாளர்களுக்கு அந்த ஒப்பந்த தொழிலை எடுக்கும் நபர் உபகரணங்கள் அளிக்க வேண்டும். குறிப்பாக மாஸ்க், கையுறை ஆகியவை அளிக்க வேண்டும். ஆனால் இவைகள் எவையும் இந்த ஊழியர்களுக்கு அளிக்கப்படுவதில்லை. மீஞ்சூர் பேரூராட்சியில் 50க்கும் மேற்பட்டவர்கள் ஒப்பந்த பணியில் ஈடுபட்டுள்ளனர்.
