குமரி: கல்லூரி அருகே கஞ்சா விற்ற 2 பேர் கைது
குமரி மாவட்டம் வெள்ளிச்சந்தை போலீஸ் சப்-இன்ஸ்பெக்டர் ராஜேந்திரன் தலைமையிலான போலீசார் வெள்ளமோடி பகுதியில் தீவிர ரோந்து பணியில் ஈடுபட்டிருந்தனர். அப்போது அந்தப் பகுதியில் உள்ள ஒரு தனியார் கல்லூரி அருகே செல்லும்போது பைக்கில் சந்தேகத்திடமாக இரண்டு பேர் நின்று கொண்டு இருந்தனர். போலீசார் அவர்களை நெருங்கி சென்றதும் ரெண்டு பேரும் தப்பியோட முயற்சித்தனர். உடனே அவர்களை மடக்கி பிடித்து நடத்திய விசாரணையில் அவர்கள் தக்கலை பகுதியைச் சேர்ந்த ஜெகன் ராஜ் (37), அழிக்கல் பகுதி சேர்ந்த அஜித்குமார் என்ற ஆகாஷ் (24)என்பதும் தெரிய வந்தது. 2 பேரும் மாணவர்களுக்கு அரசு தடை செய்த கஞ்சா பொட்டலங்களை விற்பனை செய்ய வைத்திருந்ததும் தெரிய வந்தது. இது தொடர்ந்து போலீசார் நடத்திய சோதனையில் அவர்களிடமிருந்து 210 கிராம் கஞ்சாவை பறிமுதல் செய்து, போலீசார் வழக்கு பதிவு செய்து இரண்டு பேரையும் கைது செய்தனர்.
