இரணியல்: மது குடிப்பதை கண்டிப்பு; தொழிலாளி தற்கொலை
இரணியல் அருகே உள்ள ஆழ்வார்கோவில் பகுதியை சேர்ந்தவர் கிருஷ்ணகுமார் (43). கட்டிடத் தொழிலாளி. இவருக்கு மனைவியும் இரண்டு மகள்களும் உள்ளனர். குடிப்பழக்கத்திற்கு அடிமையான கிருஷ்ணகுமார் சரியாக வேலைக்கு செல்லாமல் மது அருந்தி வந்ததாக கூறப்படுகிறது. இதை குடும்பத்தினர் மற்றும் உறவினர்கள் கண்டித்துள்ளனர். ஆனால் மது பழக்கத்தை நிறுத்த முடியாமல் மனவேதனை அடைந்த கிருஷ்ணகுமார் நேற்று வீட்டில் உள்ள மின்விசிறியில் தூக்கு போட்டு உயிருக்கு போராடிக் கொண்டிருந்தார். உடனடியாக அவரை அக்கம் பக்கத்தினர் மீட்டு தக்கலை அரசு மருத்துவமனையில் சிகிச்சை சேர்த்தனர். அங்கு அவரை பரிசோதித்த டாக்டர்கள் கிருஷ்ணகுமார் ஏற்கனவே இறந்து விட்டதாக கூறினர். இந்த சம்பவம் குறித்து இரணியல் போலீசார் வழக்கு பதிவு செய்து விசாரணை நடத்தி வருகின்றனர்.
