சோழவந்தான்: விஷப்பூச்சி கடித்து கீரை வியாபாரி பலி
மதுரை மாவட்டம் சோழவந்தானை சேர்ந்த லட்சுமி( 80) என்பவர் சோழவந்தான் ரெயில்வே கேட் அருகில் கீரை வியாபாரம் செய்து வந்தார். இவரை நேற்று முன்தினம் (நவ. 9) விஷப்பூச்சி கடித்ததில் மயங்கி விழுந்தார். அவரை அக்கம்பக்கத்தினர் மீட்டு சிகிச்சைக்காக சோழவந்தான் அரசு மருத்துவமனையில் சேர்த்தனர். அங்கு முதலுதவி சிகிச்சை அளிக்கப்பட்டு மேல் சிகிச் சைக்காக 108 ஆம்புலன்ஸ் மூலம் மதுரை ராஜாஜி அரசு மருத்துவமனையில் சேர்க்கப்பட்டார். அங்கு சிகிச்சை பலனின்றி லட்சுமி உயிரிழந்தார். இதுகுறித்து சோழவந்தான் போலீசார் வழக்கு பதிவு செய்து விசாரணை நடத்தி வருகின்றனர்.
