மேட்டூர்: இருதரப்பினர் மோதல்; 4 பேர் கைது
சேலம் மாவட்டம் மேச்சேரி அருகே சிந்தாமணியூர் பாரப்பட்டியை சேர்ந்தவர் விஜயகுமார். இவர் சிந்தாமணியூர் பிரிவு அருகே கடந்த வாரம் மோட்டார் சைக்கிளில் வந்தார். அப்போது சிந்தாமணியூர் பகுதியை சேர்ந்த சிவா காரில் அங்கு நின்றிருந்தார். அப்போது சாலையில் செல்வது தொடர்பாக இருதரப்பினருக்கும் மோதல் ஏற்பட்டு ஒருவரை ஒருவர் தாக்கி கொண்டனர். இந்த மோதல் குறித்து இருதரப்பினரும் மேச்சேரி போலீசில் புகார் செய்தனர். அதன் பேரில் இருதரப்பிலும் 11 பேர் மீது போலீசார் வழக்குப்பதிவு செய்து கந்தசாமி, சிவா, லோகுகுமார், வினோத் ஆகிய 4 பேரையும் கைது செய்தனர்.
