சேலம் களரம்பட்டியில் இரு தரப்பினர் மோதல்; 7 பேர் கைது
சேலம் களரம்பட்டி காளியம்மன் கோவில் தெருவை சேர்ந்தவர் திவாகர் (வயது 21). இவருடைய தோழி மீது களரம்பட்டி நேதாஜி நகரை சேர்ந்த சந்தோஷ்குமார் (24) என்பவர் மோட்டார் சைக்கிளில் மோதுவது போல் சென்றதாக கூறப்படுகிறது. இந்நிலையில், நேற்று முன்தினம் (நவம்பர் 12) திவாகர், சந்தோஷ்குமாரை அழைத்து ஏன் மோட்டார் சைக்கிளில் மோதுவது போல் சென்றாய்? என கேட்டுள்ளார். இதனால் அவர்களுக்கு இடையே வாக்குவாதம் ஏற்பட்டது. பின்னர் திவாகர் தரப்பினரும், சந்தோஷ்குமார் தரப்பினரும் மோதிக்கொண்டனர். இந்த மோதலில் திவாகர் மற்றும் சந்தோஷ்குமாரின் தந்தை வடிவேல் ஆகியோர் காயம் அடைந்தனர். இதையடுத்து அரசு ஆஸ்பத்திரியில் வடிவேல் அனுமதிக்கப்பட்டு சிகிச்சை பெற்று வருகிறார். இந்த சம்பவம் தொடர்பாக இரு தரப்பை சேர்ந்த 7 பேரை போலீசார் கைது செய்து விசாரணை நடத்தி வருகின்றனர்.
