எடப்பாடி: ஆற்றில் தவறி விழுந்து மூதாட்டி பலி
சேலம் மாவட்டம் எடப்பாடி நகராட்சி கவுண்டம்பட்டி வடக்கு தெரு பகுதியைச் சேர்ந்தவர் நாச்சியம்மாள் (வயது 70), இவர் நேற்று மதியம் எடப்பாடி அரசு ஆஸ்பத்திரிக்கு சென்று விட்டு வீடு திரும்பும் போது சரபங்கா ஆற்றின் பாலத்தின் தடுப்பு சுவரில் அமர்ந்து இருந்ததாக தெரிகிறது. அப்போது நாச்சியம்மாள் திடீரென தவறி ஆற்றில் விழுந்துள்ளார். இதில் தண்ணீரில் மூழ்கி அவர் பரிதாபமாக இறந்தார். இதுகுறித்து எடப்பாடி போலீசார் வழக்குப்பதிவு செய்து விசாரணை நடத்தி வருகின்றனர்.
