உபரி நீர் நடவடிக்கை குழு விவசாயிகள் அழைப்பிதழ் வழங்கினர்

மேட்டூர் உபரி நீரை கொண்டு வறண்ட 100 ஏரிகள் நிரப்பும் திட்டத்தை செயல்படுத்தி கொடுத்த முன்னாள் முதலமைச்சரும் அதிமுக பொதுச் செயலாளருமான எடப்பாடி கே. பழனிசாமிக்கு இம்மாதம் 17ஆம் தேதி மேச்சேரியில் காவிரி உபரி நீர் நடவடிக்கை குழு விவசாயிகள் பாராட்டு விழா நடத்துகின்றனர்.
இன்றைய தினம் சேலம் நெடுஞ்சாலை நகர் இல்லத்தில், அதிமுக பொதுச் செயலாளர் எடப்பாடி கே. பழனிசாமியை காவிரி உபரி நீர் நடவடிக்கை குழு விவசாயிகள் சங்க ஒருங்கிணைப்பாளர் தம்பையா தலைமையில் நேரில் சந்தித்து விவசாயிகள், பாராட்டு விழாவில் கலந்து கொள்ள வேண்டும் என்று கேட்டு விழாவுக்கான அழைப்பிதழை கொடுத்தனர்.