திருவாடானை: ராட்சத ஆமையை உயிருடன் மீட்டு கடலில் விட்ட மீனவர்கள்
ராமநாதபுரம் மாவட்டம் திருவாடானை அருகே உள்ள சோழியக்குடி கடற்கரையில் நவம்பர் 20 மதியம் விசைப் படகில் மீனவர்கள் சிவபாலன், சிங்காரசெல்வம், மனோகரன், ஜெயகணேஷ் ஆகியோர் விரித்து வைத்திருந்த வலையை எடுத்த போது அதில் ராட்சத கடல் ஆமை ஒன்று சிக்கியுள்ளது. உடனே கடலோர காவல் படைக்கு தகவல் தெரிவித்து கடலோர காவல்படையினர் உதவியுடன் பத்திரமாக கடலில் விட்டனர். வலையில் சிக்கிய கடல் ஆமையை நீண்ட நேரம் போராடி வலையை அறுத்து கடலில் விட்டனர். இந்த ஆமை 80 முதல் 100 கிலோ இருக்கும் என மீனவர்கள் தெரிவித்தனர். கடல் ஆமையை உயிருடன் விட்ட வீடியோ சமூக வலைதளங்களில் வைரலாக பரவி வருகிறது.
