விடுதலை சிறுத்தைகள் கட்சி நிர்வாக சீரமைப்பு கூட்டம்.

ராமநாதபுரம் மாவட்டம், திருவாடானை சட்டமன்ற தொகுதிக்குட்பட்ட சனவேலி தனியார் மஹாலில் 2024-க்கான விடுதலை சிறுத்தைகள் கட்சி நிர்வாக சீரமைப்பு கூட்டம் நடைபெற்றது. இதற்கு நிர்வாக மேலிட பொறுப்பாளர்களாக தமிழினியன், முகம்மது யாசின், கல்லல் திருமொழி உள்ளிட்டவர்கள் தலைமையில், R. S. மங்கலம் ஒன்றிய செயலாளர் பாலமுருகன், குழந்தை வேலு, மகளிர் விடுதலை இயக்கம் மாவட்ட செயலாளர் சௌந்தரவள்ளி முன்னிலையில் குத்து விளக்கு ஏற்றி டாக்டர் அம்பேத்கர் திரு உருவ படத்திற்கு மாலை அணிவித்து மரியாதை செலுத்தி கூட்டம் நடைபெற்றது. திருவாடானை ஒன்றிய செயலாளர் ராஜசேகர் வரவேற்று பேசினார்.

    இந்த கூட்டத்தில் கட்சியின் மகளிர் விடுதலை இயக்கம், இளஞ்சிறுத்தை எழுச்சிப் பாசறை, தொண்டரணி, விவசாய இயக்கம், நில உரிமை மீட்பு இயக்கம், மருத்துவர் அணி, வழக்கறிஞர் அணி, பொறியாளர் அணி, அச்சு காட்சி ஊடக அணி உள்ளிட்ட 33 அணிகளுக்கு மாநில, மாவட்டம். ஒன்றியம், நகரம், பேரூர், பகுதி, வட்டத்திற்கான நிர்வாகிகள் சீரமைப்பு நடைபெற்றது.

இந்நிகழ்வில் விடுதலை சிறுத்தைகள் கட்சி நிர்வாகிகள், தொண்டர்கள் பலர் கலந்து கொண்டார்கள். மாவட்ட செய்தி தொடர்பாளர் சத்தியராஜ் நன்றி கூறினார்