பெரம்பலூர்: உங்களைத்தேடி, உங்கள் ஊரில் திட்ட முகாம்
பெரம்பலூர் மாவட்டத்தில் நவம்பர் 2024 மாதம் மூன்றாவது புதன்கிழமை (20.11.2024) அன்று "உங்களைத் தேடி, உங்கள் ஊரில்" திட்டத்தின்படி, பெரம்பலூர் வட்டத்திற்குட்பட்ட அனைத்து கிராமங்களிலும் முகாம் நடைபெறவுள்ளது. அரசின் அனைத்து நலத்திட்டங்களும், சேவைகளும், தங்குதடையின்றி மக்களைச் சென்றடைவதை உறுதிசெய்ய ஆய்வு மேற்கொள்ளும் பொருட்டு, பெரம்பலூர் மாவட்டம், பெரம்பலூர் வட்டத்திற்குட்பட்ட கிராமங்களில் எதிர்வரும் 20.11.2024 புதன்கிழமை அன்று மாவட்ட ஆட்சித்தலைவர் மற்றும் அனைத்து மாவட்ட முதல்நிலை அலுவலர்கள் கிராமங்களில் தங்கி கள ஆய்வில் ஈடுபட்டு, அரசு அலுவலகங்களை ஆய்வு செய்தும், மக்களின் குறைகளைக் கேட்டறிந்து மனுக்கள் பெற உள்ளனர். எனவே பெரம்பலூர் வட்டத்திற்குட்பட்ட கிராம பொதுமக்கள் தங்கள் கிராமத்திற்கு ஆய்வுகள் மேற்கொள்ள வரும் மாவட்ட நிலை அலுவலரிடம் தங்களது கோரிக்கைகள் தொடர்பான மனுக்கள் மற்றும் தங்கள் கிராமத்திற்குத் தேவைப்படும் அடிப்படை வசதிகள் தொடர்பான கோரிக்கைகளையும் மனுக்களாக அளித்து பயன்பெறுமாறு மாவட்ட ஆட்சித்தலைவர் தெரிவித்துள்ளார்.
