நாம் தமிழர் கட்சியின் புதிய பொறுப்பாளர்கள் அறிமுக கூட்டம்

பெரம்பலூர் மாவட்ட நாம் தமிழர் கட்சியின் புதிய பொறுப்பாளர்கள் அறிமுக கூட்டம் மற்றும் கலந்தாய்வு கூட்டம் நடைபெற்றது.

பெரம்பலூரில் நாம் தமிழர் கட்சியில் தற்போது நியமிக்கப்பட்டுள்ள பல்வேறு புதிய பொறுப்பாளர்கள் அறிமுக கூட்டம் மற்றும் கலந்தாய்வு கூட்டம் நடைபெற்றது. பெரம்பலூர் மேற்கு மற்றும் கிழக்கு செயலாளர்கள் பாலகுரு மற்றும் ராஜயோக்கியம் ஆகியோர் தலைமையில் நடைபெற்ற இந்த கூட்டத்திற்கு மண்டல செயலாளர் ரத்தினவேல் சிறப்பு அழைப்பாளராக கலந்து கொண்டு புதிய பொறுப்பாளர்களை அறிமுகம் செய்து வைத்து பேசினார். இதனை தொடர்ந்து புதிதாக பொறுப்பேற்றுக் கொண்ட ஒவ்வொரு பொறுப்பாளர்களும் கட்சியின் வளர்ச்சி குறித்தும் தொடர்ந்து எவ்வாறு கட்சியை வழிநடத்துவது என்பது குறித்தும் ஆலோசனைகளையும் கருத்துகளையும் வழங்கினர். இந்த அறிமுக கூட்டத்தில் கட்சியின் மண்டல, மாவட்ட, ஒன்றிய நிர்வாகிகள் மற்றும் தொண்டர்கள் திரளாக கலந்து கொண்டனர்.