கோவை: தனியார் நிறுவனத்தில் திருடிய பெண் ஊழியர் கைது
கோவை ரேஸ்கோர்சில் தனியார் நிறுவனம் செயல்பட்டு வருகிறது. இங்குள்ள நிறுவன அலுவலகத்தின் கல்லாவில் இருந்த ரூ. 15 ஆயிரத்தை காணவில்லை. யாரோ திருடி சென்று விட்டனர். இது குறித்து வடவள்ளி ராஜன் நகரை சேர்ந்த நிறுவன மேலாளர் சதீஷ்(52) என்பவர் ரேஸ்கோர்ஸ் போலீஸ் நிலையத்தில் புகார் அளித்தார். புகாரின்பேரில், போலீசார் வழக்குப்பதிவு செய்து விசாரித்தனர். மேலும் அங்கிருந்த சிசிடிவி கேமரா காட்சிகளை ஆய்வு செய்தனர். அதில் பணத்தை திருடியது நிறுவனத்தில் தூய்மை பணியாளராக வேலை பார்த்த ரத்தினபுரி கண்ணப்ப நகரை சேர்ந்த பாண்டியம்மாள்(68) என்பது தெரியவந்தது. போலீசார் அவரை கைது செய்தனர்.
