மதுரை: பாம்பு கடித்து பள்ளி மாணவி பலி
மதுரை மாவட்டம் நாகமலை புதுக்கோட்டை அருகே உள்ள கரடிப்பட்டி கிராமத்தில் வசிக்கும் மாரியப்பனின் மகள் அங்காளஈஸ்வரி (13) என்பவர் வடபழஞ்சி மேல்நிலைப் பள்ளியில் ஏழாம் வகுப்பு படித்து வந்தார். இவர் கடந்த 4ம்தேதி அதிகாலை வீட்டில் உறங்கிக் கொண்டிருந்த பொழுது பாம்பு கடித்தது. உடனடியாக அவரை மீட்டு அரசு ராஜாஜி மருத்துவமனையில் சிகிச்சைக்காக சேர்க்கப்பட்டார். அங்கு சிகிச்சை பலனின்றி நேற்று (நவ. 9) உயிரிழந்தார். இது குறித்து அவரது தாயார் பிச்சையம்மாள் நாகமலை புதுக்கோட்டை காவல் நிலையத்தில் புகார் அளித்துள்ளார். போலீசார் வழக்கு பதிவு செய்து விசாரணை நடத்தி வருகின்றனர்.
