திருப்பரங்குன்றம்: பக்தர்களிடம் திருடிய கணவன், மனைவி கைது

மதுரை திருப்பரங்குன்றம் சுப்பிரமணிய சுவாமி திருக்கோவிலில் கந்த சஷ்டி திருவிழா வையொட்டி நேற்று முன்தினம் கிரிவலம் மற்றும் ரதவீதிகளில் சட்ட தேர்பவனி நடைபெற்றது. இதில் ஏராளமான பக்தர்கள் கலந்து கொண்ட நிலையில் கூட்ட நெரிசலை பயன்படுத்தி திருமங்கலம் தெற்கு தெருவை சேர்ந்த வரதன் என்பவரிடம் சிலர் பணத்தை திருடியுள்ளனர்.

இதுதொடர்பாக திருப்பரங்குன்றம் போலீசார் வழக்குப்பதிவு செய்து பக்தரிடம் கைவரிசை காட்டிய தஞ்சாவூரை சேர்ந்த இசக்கி (38), நிலையூர் மணிகண்டன் (40), இவருடைய மனைவி தேவி (38) ஆகியோரை போலீசார் நேற்று (நவம்பர் 09) கைது செய்தனர்.