அவனியாபுரம்: மாணவர்களுக்கு குட்கா சப்ளை செய்தவர்கள் கைது
மதுரை அவனியாபுரம் காவல் நிலைய உதவி ஆய்வாளர் மணிகண்டன் மற்றும் உணவு பாதுகாப்பு அலுவலர் சிவசந்திரன் ஆகியோர் சேர்ந்து செந்தமிழ் நகர் 6 வது தெரு வழியாக ரோந்து பணியில் ஈடுபட்ருந்த போது சாக்குப் பையில் பதுக்கி வைத்து தடை செய்யப்பட்ட புகையிலை பாக்கெட்டுகள் விற்பனை செய்த 2 பேரை பிடித்து விசாரணை நடத்தினர். விசாரணையில், பிடிப்பவர்கள் அவனியாபுரம் பாண்டியன்நகர் பன்னீர் செல்வம் தெரு, ராஜாபாண்டி (43), அதே பகுதியைச் சேர்ந்த சீனிவாசன் (69) என்று தெரிந்தது. இவர்கள் பள்ளி, கல்லூரி மாணவர்கள் , ஆட்டோ டிரைவர்களுக்கு தடை செய் யப்பட்ட புகையிலைப் பாக்கெட்டுகளை விற்பனை செய்தது விசாரணையில் தெரியவர வெள்ளை சாக்கு பையில் பதுக்கி வைத்திருந்த 14 கிலோ 650 கிராம் புகையிலை பாக்கெட்டுகளை போலீசார் பறிமுதல் செய்து ராஜபாண்டி மற்றும் சீனிவாசன் ஆகிய இருவரை கைது செய்தனர்.
