மதுரை: சரக்கு வாகனத்தில் மோதிய நபர் படுகாயங்களுடன் பலி
மதுரை மாவட்டம் நாகமலை புதுக்கோட்டை மேலத் தெருவில் வசிக்கும் மலைச்சாமியின் மகன் கண்ணன் (30)என்பவர் நேற்று முன்தினம் (அக். 1) மாலை5. 45 மணியளவில் திருமங்கலம் திண்டுக்கல் நான்கு வழிச்சாலையில் புதுக்குளம் சந்திப்பு பகுதியில் இரு சக்கர வாகனத்தில் சென்று கொண்டிருந்த பொழுது அவருக்கு முன்னால் சென்ற அசோக் லேலண்ட் தோஸ்த் என்ற சரக்கு வாகனம் திடீரென நிறுத்தியதால் இருசக்கர வாகனத்தில் சென்ற கண்ணன் சரக்கு வாகனத்தில் பின்னால் சென்று மோதி கீழே விழுந்துள்ளார். இதில் அவருக்கு தலை, முகம் இரண்டு கால்களில் படு காயம் ஏற்பட்டது. உடனடியாக அவரை மீட்டு மதுரை அரசு ராஜாஜி மருத்துவமனைக்கு சிகிச்சைக்காக கொண்டு செல்கையில் அவர் ஏற்கனவே இறந்து விட்டதாக மருத்துவர்கள் கூறினார்கள். இது குறித்து அவரது மனைவி வனிதா நாகமலை புதுக்கோட்டை காவல் நிலையத்தில் புகார் அளித்தார். போலீசார் வழக்கு பதிவு செய்து வேன் டிரைவர் வேடசந்தூரை சேர்ந்த பிரபாகரனை பிடித்து விசாரணை நடத்தி வருகின்றனர்.
