அரவக்குறிச்சி: இதய நோயால் பாதிக்கப்பட்டவர் மயங்கிய நிலையில் உயிரிழப்பு.
சொக்கலாபுரத்தில் இதய நோயால் பாதிக்கப்பட்டவர் மயங்கிய நிலையில் உயிரிழப்பு. புதுக்கோட்டை மாவட்டம், கலீப்நகர் 2வது தெருவை சேர்ந்தவர் அப்துல் முபின் வயது 57. டிரைவர். தனியாக வசித்து வந்தார். இவருக்கு கடந்த மூன்று வருடங்களுக்கு முன்பு ஹார்ட் அட்டாக் வந்து சிகிச்சை மேற்கொண்டு வந்தார். இந்நிலையில் அரவக்குறிச்சி அருகே உள்ள சொக்கலாபுரம் முருகானந்தன் என்பவர் தோட்டத்து வீட்டில் மார்ச் 26 ஆம் தேதி காலை 11 மணியளவில் மயங்கிய நிலையில் இருந்துள்ளார். இந்த சம்பவம் அறிந்த அப்துல் முபின் சகோதரர் அப்துல் காதர் வயது 59 என்பவர் தனது தம்பியை அரவக்குறிச்சி அரசு மருத்துவமனைக்கு சிகிச்சைக்காக கொண்டு சென்றார். அங்கு அவரை பரிசோதித்த மருத்துவர்கள் அவர் ஏற்கனவே இறந்து விட்டதாக தெரிவித்தனர். இதனால் சம்பவம் குறித்து அப்துல் காதர் காவல்துறையினருக்கு அளித்த புகாரில், சம்பவ இடத்துக்கு வந்த காவல்துறையினர், உயிரிழந்த அப்துல் முபின் உடலை உடற்கூறு ஆய்வுக்காக அரவக்குறிச்சி அரசு மருத்துவமனை சவகிடங்குக்கு அனுப்பி வைத்து, இது தொடர்பாக வழக்கு பதிவு செய்து விசாரணை மேற்கொண்டு வருகின்றனர் அரவக்குறிச்சி காவல்துறையினர்.
