நித்திரவிளை: ஊராட்சி வாட்டர் மேன் தாக்குதல்
நித்திரவிளையை அடுத்த கிராத்தூர் பகுதி சேர்ந்தவர் ஜெயராஜ் (51). இவர் தூத்தூர் ஊராட்சியில் வாட்டர் மேனாக பணிபுரிகிறார். நேற்று மாலை காருண்யபுரம் பகுதியில் உள்ள மேல்நிலை நீர் தேக்க தொட்டியில் உள்ள குடிநீர் வினியோக வால்வை அடைக்க சைக்கிளில் சென்றுள்ளார். அப்போது அந்த பகுதியில் சுமார் 45 வயது மதிக்கத்தக்க மீன்பிடி தொழிலாளி ஒருவர் நின்று கொண்டு வால்வை ஏன் அடைகிறாய் நடத்தியுள்ளார் என கேட்டு ஜெயராஜ் மீது கொலை வெறித் தாக்குதல் நடத்தியுள்ளார். தொடர்ந்து ஜெயராஜ் சத்தம் கேட்டு அக்கம் பக்கத்தினர் ஓடி வரவே கீழே கிடந்த செங்கல்லை எடுத்து ஜெயராஜ் மீது வீச முயற்சி செய்துள்ளார். மேலும் ஜெயராஜ் வந்த சைக்கிளை தூக்கி சென்று கடலில் வீசியுள்ளார். இது தொடர்பாக ஜெயராஜ் நித்திரவிளை போலீசில் புகார் செய்தார். அதன் பேரில் போலீசார் விசாரித்து வருகின்றனர். இந்த சம்பவம் அந்த பகுதியில் பெரும் பரபரப்பை ஏற்படுத்தியுள்ளது.
