ஈரோடு: விபத்தில் சிக்கி 7 ஆண்டுகளுக்கு பின் வாலிபர் பலி!!
விபத்தில் சிக்கி 7 ஆண்டுகளுக்கு பின் சிகிச்சை பலனின்றி வாலிபர் பலி!! பெருந்துறை, விஜயமங்கலம், பகலாயூர் பகுதியைச் சேர்ந்த வீரன் மனைவி சரஸ்வதி (50). இவருக்கு வேலுசாமி (30) என்ற மகனும், தேவி என்ற மகளும் உள்ளனர். கடந்த 10-1-2017ல் வேலுசாமி, தனது நண்பர் பிரதாப்புடன் இரு சக்கர வாகனத்தில் செல்லும்போது ஏற்பட்ட விபத்தில் இருவரும் காயம் அடைந்தனர். இதில் படுகாயமடைந்த வேலுசாமி தொடர்ந்து 3 மாதங்கள் சிகிச்சை பெற்று ஓரளவு உடல்நலம் தேறினார். இருப்பினும் 3 மாதத்திற்கு ஒருமுறை ஈரோடு தனியார் மருத்துவமனையில் மருத்துவ பரிசோதனை செய்து வந்தார். இந்நிலையில் கடந்த 1ம் தேதி உடல் நலக்குறைவால் மருத்துவமனையில் அனுமதிக்கப்பட்ட வேலுசாமி சிகிச்சை பலனின்றி உயிர் இழந்தார். விபத்தில் சிக்கி 7 ஆண்டுகளுக்குப் பிறகு வேலுசாமி உயிரிழந்த சம்பவம் குறித்து பெருந்துறை போலீசார் வழக்குபதிவு செய்து விசாரித்து வருகின்றனர்.
