ஒண்டிபுதூர்: முதியவருக்கு இழப்பீடு வழங்க வங்கிக்கு உத்தரவு
கோவை ஒண்டிப்புதூர், அன்னை இந்திரா நகரை சேர்ந்த சண்முகவேல்(72) என்பவர், அவினாசி ரோட்டிலுள்ள சிண்டிகேட் வங்கியில் 2010 ஜனவரியில், 1. 67 லட்சம் ரூபாய் டெபாசிட் செய்தார். இதற்கிடையில் சிண்டிகேட் வங்கி, கனரா வங்கியுடன் இணைக்கப்பட்டதால் அவரது டெபாசிட் கணக்கு மாற்றப்பட்டது. முதிர்வு தேதி முடிந்து 2023 ல் பணம் பெற சென்ற போது சண்முகவேலு டெபாசிட் செய்த தொகைக்கு வட்டி முழுமையாக சேர்க்கப்படவில்லை. டெபாசிட்டுக்கான முதிர்வு தொகையில் இரண்டு லட்சம் ரூபாய் வரை வட்டி இழப்பு ஏற்பட்டது. இதனால் கனரா வங்கி இழப்பீடு வழங்க கோரி, கோவை நுகர்வோர் குறைதீர் ஆணையத்தில் வழக்கு தாக்கல் செய்தார். இதை நேற்று விசாரித்த ஆணைய தலைவர் மற்றும் உறுப்பினர்கள், சண்முகவேலுக்கு வங்கி நிர்வாகம், இரண்டு லட்சம் ரூபாய் இழப்பீடு, வழக்கு செலவு தொகை, 5, 000 ரூபாய் வழங்க வேண்டும் உத்தரவு பிறப்பித்தது.
