திருவள்ளூர்: ஆவின் 24 மணிநேரமும் இயங்கும் என அறிவிப்பு
வங்கக்கடலில் உருவான காற்றழுத்த தாழ்வு மண்டலம் ஆழ்ந்த காற்றழுத்த தாழ்வு மண்டலமாக வலுப்பெற்றுள்ளது. நாளை புயல் உருவாகக்கூடும் என்ற நிலையில் சென்னையிலும், கடலோர மாவட்டங்களிலும் பல்வேறு பகுதிகளில் இடைவிடாது மழை பெய்து வருகிறது. அதிகமாக மழைப்பொழிவு இருக்கக்கூடும் என்பதால் நவ. 26, 27 ஆகிய தேதிகளில் தமிழகத்துக்கு ரெட் அலர்ட் எச்சரிக்கை விடுக்கப்பட்டுள்ளது. வானிலை நிலவர அறிவிப்பை தொடர்ந்து, டெல்டா மாவட்ட கலெக்டர்கள், அதிகாரிகளுடன் முதல்வர் ஸ்டாலின் முக்கிய ஆலோசனை நடத்தியுள்ளார். தலைநகர் சென்னையில் மழையை எதிர்கொள்ளும் வகையில் அனைத்து முன்எச்சரிக்கை நடவடிக்கைகளையும் அதிகாரிகள் மேற்கொண்டு வருகின்றனர். அதன் ஒரு பகுதியாக சென்னையில் 24 மணி நேரமும் ஆவின் பால் தடையின்றி கிடைக்க நடவடிக்கை எடுக்கப்பட்டுள்ளது.
