விழுப்புரம்: திமுகவில் இணைந்த அதிமுக முன்னாள் நகரச் செயலா்
விழுப்புரம் கலைஞர் அறிவாலயத்தில் வியாழக்கிழமை மாலை நடைபெற்ற நிகழ்வில் அமைச்சர் க. பொன்முடி முன்னிலையில், திருவெண்ணெய்நல்லூர் அதிமுக முன்னாள் நகரச் செயலர் கே. சரவணகுமார், பேரூராட்சி உறுப்பினர்கள் பி. அரங்கராஜன், பி. ரகு, விருத்தாம்பாள் நாவன், ஆர். அறிவழகன், அதிமுக முன்னாள் நகரக் கழக நிர்வாகிகள் உள்ளிட்டோர் தங்களை திமுகவில் இணைந்தனர். அவர்களை விழுப்புரம் தெற்கு மாவட்ட திமுக பொறுப்பாளர் பொன். கெளதசிகாமணி வரவேற்றார். மாவட்ட திமுக அவைத் தலைவர் ம. ஜெயச்சந்திரன், பொருளாளர் இரா. ஜனகராஜ், திருவெண்ணெய்நல்லூர் ஒன்றியச் செயலர் பி. வி. ஆர். சு. விசுவநாதன் உள்ளிட்டோர் உடனிருந்தனர்.
