உதயநிதியால் திமுகவில் நிலவரம் கலவரம் R. B. உதயகுமார் பேச்சு.

திருவெண்ணெய் நல்லூர் அருகே உள்ள மேட்டுக்குப்பம் பகுதியில் தனியார் திருமண மண்டபத்தில் அதிமுக சார்பில் அக்கட்சியில் செயல் வீரர்கள், வீராங்கனைகள் ஆலோசனைக் கூட்டம் நடைபெற்றது. இந்த கூட்டத்திற்கு முன்னாள் அமைச்சரும், சட்டமன்ற எதிர்கட்சி துணை தலைவருமான ஆர். பி. உதயகுமார் கலந்து கொண்டார். பின்னர் பேசிய முன்னாள் அமைச்சர் ஆர். பி. உதயகுமார்: வெள்ளை அறிக்கை கொடுங்க என்று கேட்டதற்கு கத்துகுட்டி உதயநிதி சொல்கிறார், தண்ணீர் வடிந்து விட்டதே அது தான் வெள்ளை அறிக்கை என்று, ஒன்னுமே தெரியல,

துணை முதலமைச்சர் என்பது உங்களுக்கு மெஜாரிட்டி இருக்கு நீங்க ஆக்கிக்கோங்க நாங்க ஒன்னும் சொல்லல, ஆனால் பக்கத்தில் ஒரு மனுசன் கலைஞருக்கு, துணையாக இருந்து, அண்ணாவுக்கு துணையாக இருந்து, ஸ்டாலினுக்கு துணையாக இருந்து, அடுத்து இன்பநிதிக்கும் துணையாக இருப்பேன் நான் கோபாலபுரத்து காவலன் என்று சொன்னரே அந்த பெரிய மனுசன் துரைமுருகன் அவருக்கும் சேத்து கொடுத்திருக்கலாம்.

ஆனால் அதற்கு மனமில்லை.

பொன்முடி நேற்று கூட இந்த மாவட்டத்தில் பேசியிருக்கிறார், அடுத்த முறை எனக்கு சீட்டு தருவாங்கலோ தரமாட்டாங்கலோ என்று, ஏனென்றால் நிலவரம் திமுகவில் கலவரமாக உள்ளது என்று கூறினார்.