திருக்கோவிலூர் பள்ளியில் 46ம் ஆண்டு விளையாட்டு விழா
கள்ளக்குறிச்சி மாவட்டம், திருக்கோவிலூர் நகராட்சி பகுதியில் உள்ள , ஸ்ரீ வித்யா மந்திர் சீனியர் செகண்டரி பள்ளியில் 46வது ஆண்டு விளையாட்டு விழா இன்று நடைபெற்றது. இந்த நிகழ்வில் பள்ளியின் தாளாளர் சுனில் குமார் அனைவரையும் வரவேற்றார். இந்த நிகழ்வில் ஸ்ரீ வித்யா மந்திர் கல்வி அறக்கட்டளை தலைவர் மகாவீர்சந்த் மற்றும் விழுப்புரம் மத்திய மாவட்ட ஐஜேகே தலைவர், திருக்கோவிலூர் ரோட்டரி சங்க தலைவர் செந்தில்குமார் முன்னிலை வகித்து ஒலிம்பிக் ஜோதியை ஏற்றியும், குத்துவிளக்கு ஏற்றியும் விளையாட்டுப் போட்டிகளை தொடங்கி வைத்தனர். இந்த நிகழ்வில் திருக்கோவிலூர் ஸ்ரீ வித்யா மந்திரி கல்வி அறக்கட்டளை செயலாளர் லயன்ஸ் மதிவாணன், பொருளாளர் விமல் குமார், துணைச் செயலாளர் கவர்லால், அறக்கட்டளை உறுப்பினர்கள் ஏழுமலை, சஞ்ஜன், வழக்கறிஞர் நித்தேஷ், கார்த்திகேயன், திலீப்குமார், ரிங்குசுனில்குமார், பள்ளி முதல்வர் அருள், துணை முதல்வர் ஞானசேகரன், நிர்வாக அலுவலர் ராஜேஷ்குமார் உள்ளிட்டோர் உடன் இருந்தனர். இந்த விழாவில் ஓட்டப்பந்தயம் உள்ளிட்ட பல்வேறு போட்டிகள் நடத்தப்பட்டு இறுதியில் வெற்றி பெற்ற மாணவர்களுக்கு பதக்கம் மற்றும் சான்றிதழ்களை வழங்கினர்.
