தஞ்சை: சூரியனார் கோயில் ஆதீனம்.மகாலிங்க சுவாமி பேட்டி
ஆதீனம் 28வது குருமகா சந்நிதானம் மகாலிங்க சுவாமிகள் கூறியதாவது: மடத்தில் சம்பிரதாயப்படி திருமணம் ஆனவர்கள் குரு மகா சந்நிதானங்களாக இருப்பதற்கு எந்த தடையும் இல்லை. இதுகுறித்து அறநிலையத்துறைக்கும் எழுத்துப்பூர்வமாக தெரிவித்துள்ளோம். ஆதீன குருமகாசந்நிதானங்களுக்கு என தனி அதிகாரம் உள்ளது. நான் ஆதீனமாக பதவி ஏற்றது முதல் சூரியனார் கோவில் ஆதீன தலைமை மடத்தில், 1. 40 கோடி ரூபாய் மதிப்பில் பல்வேறு திருப்பணிகளை செய்துள்ளேன். மடத்தில் சொத்துக்களை காக்க பல சட்ட நடவடிக்கைகளை மேற்கொண்டு வருகிறேன். மடத்தின் சொத்துக்களை முறையாக பாதுகாத்து நிர்வாகம் செய்ய வேண்டும் என்ற கடமையை வளரது ஒத்துழைப்போடு செய்து வருகிறேன். திருவாவடுதுறை ஆதீனத்திலிருந்து நீக்கப்பட்ட சுவாமிநாத சுவாமிகளை, நான் மடத்தில் ஸ்ரீ கார்யமாக நியமித்தேன். அவர் இங்கு தங்குவதில்லை. அவர் தமது வீட்டிற்கு சென்ற பிறகு தனது வேடத்தை மாற்றிக் கொள்வார். அவர் ஏற்கனவே மணல் கொள்ளையில் ஈடுபட்டவர் என்ற குற்றச்சாட்டு உண்டு. இருப்பினும், அவர் ஆன்மீக பணிகளை செய்ய விரும்பியதால், அது குறித்து கவனத்தில் கொள்ளாமல் பணிகளை செய்ய அனுமதித்தேன். சுவாமிநாத சுவாமியை யாரோ தவறாக இயக்குகின்றனர். குருவின் கட்டளை ஏற்று அவர் நடப்பதில்லை இவ்வாறு அவர் கூறினார்.
