தராசுரத்தில் ரயில்வே கிராஸிங் பகுதிகளில் மேம்பாலம்

கும்பகோணம் மற்றும் தராசுரம் பகுதிகளில் உள்ள ரயில்வே கிராஸிங் (கேட்) வழிகளில் பெரும் போக்குவரத்து நெரிசல் ஏற்பட்டு வருகிறது. இந்த இடங்களில் தினசரி சுமார் 40 ரயில்கள் செல்லும் போது, ரயில் வருவதால் கேட் மூடப்பட்டு வாகனங்கள் நீண்ட நேரம் நிற்கும் நிலைமை காணப்படுகிறது. இதனால் பொதுமக்கள் மற்றும் மாணவர்களுக்கு கடும் சிரமம் ஏற்படுகிறது.

 கும்பகோணம் பகுதி, ஆன்மிக தலங்கள், விவசாய மண்டலம் மற்றும் சுற்றுலா வணிகத்தினால் ஏராளமான வாகனங்கள் இயக்கப்படுகின்றன, மேலும் உள்ளூர் வாகனங்களும் அதிகமாக செயல்படுகின்றன. இதன் காரணமாக, இந்த பகுதிகளில் மேம்பாலங்கள் அமைக்க வேண்டும் என்று பொதுமக்களும், வாகன ஓட்டிகளும் கோரிக்கை விடுத்துள்ளனர்.