தமிழக முதல்வர் காணொளி காட்சி மூலம் திறந்து வைத்தார்.

தஞ்சாவூர் மாவட்டம், திருவிடைமருதூர் தாலுக்கா, ஆடுதுறையில் அரசு மேல்நிலைப்பள்ளி செயல்பட்டு வருகிறது. இப்பள்ளியில் ஆறாம் வகுப்பு முதல் 12 வரை 183 மாணவ மாணவிகள் படித்து வருகின்றனர். இந்நிலையில் கூடுதல் வகுப்பறை கட்டித் தர வேண்டும் என்று தலைமை ஆசிரியர் மற்றும் பெற்றோர்கள் சட்டமன்ற உறுப்பினருக்கு கோரிக்கை வைத்தனர். கோரிக்கையை ஏற்ற உயர்கல்வித்துறை அமைச்சரும் திருவிடைமருதூர் சட்டமன்ற உறுப்பினருமான கோவி. செழியன், ரூபாய் 43 லட்சம் மதிப்பீட்டில் 2 புதிய வகுப்பறைகள் கட்டப்பட்டது. இந்த புதிய வகுப்பறையை தமிழக முதல்வர் முக. ஸ்டாலின், காணொளி காட்சி மூலம் மாணவர்கள் பயன்பாட்டிற்கு திறந்து வைத்தார். தொடர்ந்து திமுக மாவட்ட அவைத் தலைவர் நசீர் முகமது, பேரூராட்சி செயலாளர் கோசி இளங்கோவன், மற்றும் பாட்டாளி மக்கள் கட்சி பேரூராட்சி தலைவர் மக. ஸ்டாலின், பேரூராட்சி துணைத்தலைவர் கமலா சேகர், ஆகியோர் குத்துவிளக்கு ஏற்றினர்.