தென்காசி: நான் முதல்வன் திட்ட உயர் கல்வி வழிகாட்டல் முகாம்
தமிழ்நாடு திறன் மேம்பாட்டுக் கழகத்தின் சார்பில் நான் முதல்வன் திட்டத்தின் கீழ் 2022-2023 மற்றும் 2023-2024-ம் கல்வி ஆண்டுகளில் 12-ஆம் வகுப்பு பயின்று பள்ளி இறுதித்தேர்வு எழுதாதவர்கள், தேர்வு எழுதி தேர்ச்சி பெறாதவர்கள், தேர்வில் வெற்றி பெற்று உயர்கல்வி பெற கல்லூரிகளில் சேராதவர்கள் மற்றும் 8 முதல் 12-ஆம் வகுப்பில் பயிலும் போது இடைநின்ற மாணவர்களுக்கான 'உயர்வுக்குப் படி" வழிகாட்டல் முகாம் நேற்று (செப்.,21) தென்காசி ஐ சி ஐ அரசு ஆண்கள் மேல்நிலைப் பள்ளியில் நடைபெற்றது. முகாமிற்கு தென்காசி மாவட்ட ஆட்சித்தலைவர் ஏ. கே. கமல்கிஷோர் தலைமை தாங்கி உயர்கல்வி, வேலைவாய்ப்பு வழிகாட்டி புத்தகங்களை மாணவ, மாணவியர்களுக்கு வழங்கினார். முகாமில், மாவட்ட வருவாய் அலுவலர் சீ. ஜெயச்சந்திரன், தென்காசி வருவாய் கோட்டாட்சியர் லாவண்யா, மாவட்ட முன்னோடி வங்கி மேலாளர் வே. கணேசன், மாவட்ட சமூகநல அலுவலர் பே. மதிவதனா, உதவி இயக்குநர் (மாவட்ட திறன் பயிற்சி அலுவலகம்) ஆர். எஸ். கோபிநாத், மாவட்ட முதன்மைக் கல்வி அலுவலர் எல். ரெஜினி, இளநிலை வேலை வாய்ப்பு அலுவலர் மார்த்தண்டபூபதி, தென்காசி வட்டாட்சியர் மணிகண்டன் மற்றும் அரசு அலுவலர்கள், மாணவ, மாணவியர்கள் கலந்து கொண்டனர்.
