சேலம்: கத்தியை காட்டி மிரட்டி பணம் பறித்த கும்பல்
கள்ளக்குறிச்சி மாவட்டம் நோபல் தெருவை சேர்ந்தவர் மணிகண்டன் லாரி டிரைவர். இவர் நேற்று முன்தினம் சென்னையிலிருந்து கோவைக்கு கெமிக்கல் லேடுகளை ஏற்றிக்கொண்டு சென்றார். சேலம் காரிப்பட்டி பக்கம் வந்தபோது லாரியை நிறுத்திவிட்டு சிறுநீர் கழிப்பதற்காக சென்றார். அப்போது டூவீலரில் வந்த மூன்று பேர் அவரை கத்தி முனையில் மிரட்டி பணம் கேட்டுள்ளனர். பின்னர் அவரை லாரிக்குள் அழைத்துச் சென்று அங்கிருந்து 1500 ரூபாய் மற்றும் செல்போனை பறித்துடன் போலீஸிடம் கூறினால் கொன்று விடுவோம் என மிரட்டி விட்டு சென்று விட்டனர். இது குறித்த புகாரின் பேரில் காரிப்பட்டி போலீசார் வழக்கு பதிவு செய்து அப்பகுதியில் உள்ள சிசிடிவி கேமராவை ஆய்வு செய்து மூணு பேரையும் தேடி வருகின்றனர்.
