சுக்கம்பட்டியில் உள்ள உதயதேவரீஸ்வரர் கோவில் கும்பாபிஷேகம்
சேலம் சுக்கம்பட்டியில் உள்ள உதயதேவரீஸ்வரர் கோவில் கும்பாபிஷேகம் இன்று (வெள்ளிக்கிழமை) நடக்கிறது. முன்னதாக நேற்று காலை விக்னேஸ்வர பூஜை, தனபூஜை, கணபதி ஹோமம், தொடர்ந்து யாகசாலை அலங்காரம் நடைபெற்றது. மாலை 4 மணிக்கு வாஸ்து சாந்தி, கிராம சாந்தி, கும்ப அலங்காரம் நடத்தப்பட்டு, முதல் கால யாகபூஜை நடந்தது. கும்பாபிஷேகத்தை முன்னிட்டு இன்று காலை 6 மணிக்கு 2-ம் கால யாகமும், கடம் புறப்பாடு நடக்கிறது. பின்னர் காலை 8 மணி முதல் 9 மணிக்குள் கும்பாபிஷேகம் நடக்கிறது. தொடர்ந்து அன்னதானம் வழங்கப்படுகிறது. இதற்கான ஏற்பாடுகளை கோவில் செயல் அலுவலர் சங்கர், தக்கார் விமலா, சுக்கம்பட்டி ஊராட்சி மன்ற தலைவர் முருகன், ஊர் கவுண்டர்கள் பழனிசாமி, வாசுதேவன், ராஜேந்திரன், முன்னாள் ஊர் கவுண்டர்கள் கார்த்திக், மயிலப்பன் ஆகியோர் செய்து வருகின்றனர்.
