சேலத்தில் மாணவர்களுக்கு குட்கா விற்றவர் கைது
சேலம் அஸ்தம்பட்டி போலீசார் மணக்காடு பஸ் நிறுத்தம் அருகே ரோந்து பணியில் ஈடுபட்டனர். அப்போது அங்கு சந்தேகத்துக்கு இடமளிக்கும் வகையில் நின்று கொண்டிருந்த நபரை பிடித்து போலீசார் விசாரித்தனர். இதில் அவர் சின்னதிருப்பதியை சேர்ந்த நாராயணன் (வயது56) என்பது தெரியவந்தது. மேலும் அவர் வைத்திருந்த பையை போலீசார் சோதனை செய்த போது அதில் 6 கிலோ குட்கா இருப்பது கண்டுபிடிக்கப்பட்டது. இதையடுத்து நாராயணனை போலீசார் கைது செய்து விசாரித்தனர். இதில் அவர் பள்ளி மாணவர்களுக்கு குட்கா விற்றது தெரியவந்தது. மேலும் அவரிடம் இருந்த குட்காவை போலீசார் பறிமுதல் செய்தனர்.
