கோவை: அனைத்து ஆட்சியர்களும் RTI இணைய சேவையை வழங்க வேண்டும்!
பத்து ரூபாய் இயக்கத்தின் கோவை மாவட்ட பொறுப்பாளரும், ஓய்வு பெற்ற வங்கி அதிகாரியுமான சவுடமுத்து, அனைத்து மாவட்ட ஆட்சியர்களும் தகவல் அறியும் உரிமைச் சட்டத்திற்கான (RTI) இணைய சேவையை பொதுமக்களுக்கு வழங்க வேண்டும் என்று வலியுறுத்தியுள்ளார். 2005-ஆம் ஆண்டு இந்திய அரசால் கொண்டுவரப்பட்ட தகவல் அறியும் உரிமைச் சட்டத்தின் கீழ், எழுத்துப்பூர்வமாகவும் மின்னணு வாயிலாகவும் கேட்கப்படும் தகவல்களை அரசு அதிகாரிகள் வழங்க வேண்டும் என்று குறிப்பிடப்பட்டுள்ளதாக சவுடமுத்து தெரிவித்தார். மத்திய அரசு மற்றும் பிற மாநில அரசுகள் இணைய வழியில் RTI சேவையை சிறப்பாக வழங்கி வருவதாகவும் அவர் சுட்டிக்காட்டினார். தமிழக அரசால் அறிமுகப்படுத்தப்பட்ட https: //rtionline. tn. gov. in என்ற இணையதளம் இன்னும் முழுமையாக செயல்பாட்டிற்கு வரவில்லை என்று சவுடமுத்து குறிப்பிட்டார். 04. 07. 2024 அன்று வருவாய் நிர்வாக ஆணையர் ஒரு உத்தரவை பிறப்பித்ததாகவும், அதில் மாவட்ட ஆட்சியரின் கீழ் இயங்கும் அனைத்து துறைகளின் பொது தகவல் அலுவலர்களுக்கு உடனடியாக பயனாளர் குறியீடு வழங்கி இந்த சேவையை செயல்படுத்த வேண்டும் என்று அறிவுறுத்தியதாகவும் அவர் நேற்று தெரிவித்தார்.
