ரவுடியை துப்பாக்கியால் சுட்டு பிடித்த போலீஸ்!
கோவையில் பல்வேறு வழக்குகளில் தொடர்புடைய பிரபல ரவுடி ஆல்வினை(37) போலீஸ் துப்பாக்கியால் சுட்டுப் பிடித்தது பரபரப்பை ஏற்படுத்தி உள்ளது. குற்ற வழக்கில் நீதிமன்றத்தில் ஆஜராகமால் இருந்து வந்த ரவுடி ஆல்வினை கோவை போலீசார் தேடி வந்தனர். கொடிசியா மைதானத்தில் ரவுடி ஆல்வின் பதுங்கி இருப்பதாக கிடைத்த தகவலை அடுத்து அங்கு பீளமேடு குற்றப்புலனாய்வு காவல் உதவி ஆய்வாளர் கார்த்திகேயன் தலைமையிலான போலீசார் விரைந்தனர். இன்று அதிகாலை 2. 30 மணிக்கு ரவுடி ஆல்வினை பிடிக்க முயன்றபோது அவர் கத்தியால் தாக்கியதில் தலைமைக் காவலர் படுகாயம் அடைந்தார். தற்காப்புக்காக உதவி ஆய்வாளர் கார்த்திகேயன் துப்பாக்கியால் சுட்டதில் ரவுடி ஆல்வின் படுகாயம் அடந்தார். பின்னர் ஆல்வின் கோவை அரசு மருத்துவமனையில் சிகிச்சைக்காக அனுமதிக்கப்பட்டுள்ளார். தலைமை காவலரும் சிகிச்சைக்காக அரசு மருத்துவமனையில் அனுமதிக்கப்பட்டுள்ளார் என்பது குறிப்பிடத்தக்கது.
