குலசேகரம்: விஷ மாத்திரை தின்று தொழிலாளி தற்கொலை
குலசேகரம் அருகே உள்ள உண்ணியூர் கோணம் பகுதியைச் சேர்ந்தவர் பால்ராஜ் (47) தொழிலாளி. இவருக்கு சபிதா (37) என்ற மனைவியும், இரண்டு மகன்களும் உள்ளனர். பால்ராஜ்க்கு மது குடிக்கும் பழக்கம் உள்ளதாக கூறப்படுகிறது. மேலும் அவர் கடந்த சில ஆண்டுகளாக வலிப்பு நோயால் அவதிப்பட்டு வந்துள்ளார். இதனால் விரக்தி அடைந்த பால்ராஜ் சம்பவ தினம் தென்னை மரத்திற்குப் பயன்படுத்தும் மாத்திரையை உட்கொண்டதாக கூறினார். இதைத் தொடர்ந்து குலசேகரத்தில் உள்ள ஒரு தனியார் ஆஸ்பத்திரியில் அனுமதிக்கப்பட்டார். அங்கு தீவிர சிகிச்சை அளித்தும் பலன் இல்லாமல் பால்ராஜ் இன்று (8-ம் தேதி) இறந்தார். குலசேகரம் போலீசார் வழக்குப் பதிவு செய்து விசாரித்து வருகின்றனர்.
