மார்த்தாண்டத்தில் புதிய போலீஸ் சப்-டிவிஷன் துவக்கம்
குமரி மாவட்டத்தில் கன்னியாகுமரி, நாகர்கோவில், தக்கலை மற்றும் குளச்சல் ஆகிய நான்கு போலீஸ் சப்-டிவிஷன்கள் செயல்பட்டு வருகிறது. இந்த நிலையில் மாவட்டத்தில் மிகப்பெரிய சப்-டிவிஷன் ஆக விளங்கிய தக்கலையை பிரித்து மார்த்தாண்டத்தை மையமாகக் கொண்டு புதிய சப்டிவிஷன் உருவாக்க வேண்டும் என்று கோரிக்கைகள் இருந்து வந்தது. இந்த நிலையில் நிர்வாக காரணங்களுக்காக தக்கலை சப்-டிவிஷன் பிரிக்கப்பட்டு மார்த்தாண்டம், களியக்காவிளை, கொல்லங்கோடு, நித்திரவிளை போன்ற காவல் நிலையங்கள் உட்பட மொத்தம் பத்து காவல் நிலையங்கள் இணைக்கப்பட்டு மார்த்தாண்ட புதிய சப்-டிவிஷன் உருவாக்கப்பட்டுள்ளது. இந்த சப் டிவிஷனில் ஒரு டிஎஸ்பி, தலைமை காவலர் உட்பட ஆறு பேர் நியமிக்கப்பட்டுள்ளனர். மார்த்தாண்ட புதிய சப்-டிவிஷனுக்கு டிஎஸ்பி.,யாக திருப்பூர் மாவட்டம் அனுப்பர்பாளையம் உட்கோட்டத்தில் உதவி ஆணையாளராக பணிபுரிந்த நல்ல சிவம் என்பவர் நியமிக்கப்பட்டுள்ளார்.
