நிலக்கோட்டை: ஆட்டோ மீது கார் மோதும் பதற வைக்கும் சிசிடிவி காட்சி
திண்டுக்கல் மாவட்டம் நிலக்கோட்டை தாலுகா மைக்கேல்பாளையத்தை சேர்ந்தவர் இருதையம். இவர் திண்டுக்கல்லிருந்து நேற்று(நவம்பர் 12) தனது வீட்டுக்கு காரில் திரும்பிக் கொண்டிருந்தார். காரை இருதையமே ஓட்டி வந்துள்ளார். அப்போது செம்பட்டி அருகே புதுகோடாங்கிபட்டி என்ற இடத்தில் இருதையத்தின் கட்டுப்பாட்டை இழந்து கார் பள்ளத்தில் நின்றிருந்த ஆட்டோ மீது சினிமாவை மிஞ்சும் அளவிற்கு பறந்து சென்று மோதியது. கார் மோதும் சிசிடிவி காட்சி வெளியாகி பெரும் பரபரப்பை ஏற்படுத்தியது. இதில் ஆட்டோவில் அமர்ந்திருந்த செம்பட்டி அடுத்துள்ள கூலாம்பட்டி சேர்ந்த வாசுகி (60) முருகேசன் (45) ஆகிய இருவரும் பலத்த காயமடைந்தனர். அக்கம் பக்கத்தினர் உடனடியாக அவர்களை மீட்டு திண்டுக்கல் அரசு மருத்துவமனைக்கு அனுப்பி வைத்தனர். இதில் முருகேசன் பலத்த காயம் அடைந்ததால் மேல் சிகிச்சைக்காக மதுரை அரசு மருத்துவமனைக்கு அனுப்பி வைக்கப்பட்டுள்ளார். இதுகுறித்து செம்பட்டி போலீசார் வழக்கு பதிவு செய்து விசாரணை செய்து வருகின்றனர். ஆட்டோ மீது கார் மோதிய சிசிடிவி காட்சி வெளியாகி பெரும் பரபரப்பை ஏற்படுத்தியுள்ளது.
