பூட்டிய வீட்டிற்குள் பூசாரியின் அழுகிய சடலம்
கோவை சரவணம்பட்டி ஜனதா நகர் வேலவன் நகர் 2வது தெருவில் வசித்தவர் பாலதண்டபாணி(55). கோயில் பூசாரி. நேற்று (செப்.,30) இவரது வீட்டில் இருந்து துர்நாற்றம் வீசியது. இதனால் சந்தேகமடைந்த அக்கம்பக்கத்தினர் அங்கு சென்று பார்த்தனர். அப்போது வீடு உள்பக்கமாக பூட்டப்பட்டிருந்தது. இதனால் சந்தேகமடைந்த அவர்கள் ஜன்னல் வழியாக பார்த்தபோது, பாலதண்டபாணி சடலமாக கிடந்தார். உடனே இது குறித்து சரவணம்பட்டி போலீசாருக்கு தகவல் கொடுத்தனர். போலீசார் அங்கு வந்து கதவை உடைத்து அழுகிய நிலையில் இருந்த பாலதண்டபாணி சடலத்தை மீட்டு கோவை அரசு மருத்துவமனைக்கு அனுப்பி வைத்து விசாரித்தனர். விசாரணையில், கடந்த 5 நாட்களுக்கு முன்பு பாலதண்டபாணியுடன் அவரது மனைவி சண்டையிட்டு கொண்டு தனது மகனை அழைத்து கொண்டு எஸ்ஐஎச்எஸ் காலனியில் உள்ள உறவினர் வீட்டுக்கு சென்றதும், வீட்டில் தனியாக இருந்த பாலதண்டபாணி உயிரிழந்ததும் தெரியவந்தது. ஆனால் அவர் தற்கொலை செய்தாரா? அல்லது வேறு ஏதேனும் காரணமா? என உடனடியாக தெரியவில்லை. இறந்து சுமார் 4 நாட்களுக்கு மேல் இருக்கும் என்று தெரியவந்துள்ளது. இது குறித்து சரவணம்பட்டி போலீசார் வழக்குப்பதிவு செய்து மேற்கொண்டு விசாரணை நடத்தி வருகின்றனர்.
