பெரம்பூர் - Perambur

ரயிலில் கஞ்சா கடத்தி வந்த 2 பேர் கைது: 14 கிலோ பறிமுதல்

ரயிலில் கஞ்சா கடத்தி வந்த 2 பேர் கைது: 14 கிலோ பறிமுதல்

இந்தியாவின் பல்வேறு வடமாநிலங்களில் கஞ்சா, குட்கா உள்ளிட்ட பல்வேறு போதை பவுடர்களை ரயில்களில் ஒருசில மர்ம கும்பல்கள் கடத்தி வருகின்றனர். இவற்றை தடுக்கும் வகையில் சென்ட்ரல் ரயில் நிலையத்தில் அடிக்கடி ரயில்வே போலீசார் மற்றும் ரயில்வே பாதுகாப்பு படையினர் தீவிர கண்காணிப்பு பணிகளில் ஈடுபட்டு, அதிரடி சோதனைகள் நடத்தி பறிமுதல் செய்து வருகின்றனர். இந்நிலையில், சென்னை சென்ட்ரல் ரயில் நிலையத்தின் 5வது நடைமேடையில் நேற்றிரவு மங்களூர் எக்ஸ்பிரஸ் ரயில் வந்து நின்றது. அந்த ரயிலில் வந்த பயணிகளை ரயில்வே போலீசார் தீவிரமாக கண்காணித்தனர். அப்போது முன்பதிவு இல்லாத பெட்டியில் பெரிய கைப்பையுடன் 2 பேர் சந்தேக நிலையில் அமர்ந்திருந்தனர். அவர்கள் போலீசாரை தப்பியோட முயற்சித்தனர். அவர்களை போலீசார் விரட்டி சென்று, மடக்கி பிடித்து விசாரித்தனர். அவர்கள் முன்னுக்கு பின் முரணாக பதிலளித்தனர். பின்னர் இருவரையும் காவல் நிலையம் கொண்டு வந்து, அவர்களின் கைப்பையை சோதனை செய்தனர். அதில், அவர்கள் 14 கிலோ கஞ்சாவை ரயிலில் கடத்தி வந்திருப்பது தெரியவந்தது. விசாரணையில் இருவரும் மேற்குவங்க மாநிலத்தை சேர்ந்த டோலி காடுன், பூஜாகுமாரி தாஸ் என்பதும், இவர்கள் மேற்குவங்க மாநிலத்தில் இருந்து ரயில்கள் மூலம் சென்னைக்கு கஞ்சா கடத்தி வந்து, பறிமுதல் செய்யப்பட்ட 14 கிலோ கஞ்சா மற்றும் 2 பேரையும் பூக்கடை காவல் நிலையத்தில் ரயில்வே போலீசார் ஒப்படைத்தனர்.

வீடியோஸ்


சென்னை
முன்விரோதம் காரணமாக அண்ணன், தம்பிக்கு சரமாரி வெட்டு
Mar 24, 2024, 13:03 IST/திரு.வி.க. நகர்
திரு.வி.க. நகர்

முன்விரோதம் காரணமாக அண்ணன், தம்பிக்கு சரமாரி வெட்டு

Mar 24, 2024, 13:03 IST
புளிந்தோப்பில் முன்விரோதம் காரணமாக அண்ணன், தம்பியை கத்தியால் சரமாரி வெட்டிய கும்பலை போலீசார் தேடி வருகின்றனர். சென்னை புளியந்தோப்பு வஉசி நகர் 6வது தெருவை சேர்ந்தவர் மினோர் மோசஸ் (50). இவரது அண்ணன் ஆசை தம்பி (55). இருவரும் பெயிண்டிங் வேலை செய்து வருகின்றனர். மோசஸுக்கும் அதே பகுதியை சேர்ந்த பீட்டர் என்பவருக்கும் கடந்த 15 வருடங்களாக முன்விரோதம் இருந்து வந்துள்ளது. இந்நிலையில் நேற்று இரவு 11 மணியளவில் மினோர் மோசஸ், ஆசைத்தம்பி ஆகியோர் தங்களது வீட்டின் வெளியில் நின்றுகொண்டிருந்தனர். அப்போது, அங்கு போதையில் வந்த பீட்டர் மற்றும் அவரது கூட்டாளிகள், அண்ணன், தம்பி இருவரிடமும் வாக்குவாதம் செய்துள்ளனர். வாக்குவாதம் முற்றியதால் ஆத்திரமடைந்த கும்பல், மறைத்து வைத்திருந்த கத்தியை எடுத்து மோசஸ், ஆசைத்தம்பி ஆகியோரை சரமாரியாக வெட்டியுள்ளனர். இதில் இருவரும் பலத்த காயமடைந்து மயக்கி விழுந்தனர். இதை பார்த்துஅதிர்ச்சியடைந்த அக்கம்பக்கத்தினர் படுகாயத்துடன் இருந்த இருவரையும் மீட்டு சிகிச்சைக்காக ஸ்டான்லி அரசு மருத்துவமனைக்கு அனுப்பி வைத்தனர். அங்கு அவர்களின் தலை, முகம் உள்ளிட்ட இடங்களில் 20க்கும் மேற்பட்ட தையல்கள் போடப்பட்டுள்ளது. இதில், மோசஸ் உயிருக்கு ஆபத்தான நிலையில் சிகிச்சை பெற்று வருகிறார். இந்த சம்பவம் தொடர்பாக புளியந்தோப்பு போலீசார் வழக்குப்பதிவு செய்து பீட்டர் உள்ளிட்ட சிலரை தேடி வருகின்றனர்.