பெரம்பூர்: சிறுமி ஓட்டம்: கணவன், கள்ளக்காதலன் மீது போக்சோ
சென்னை புளியந்தோப்பு பகுதியைச் சேர்ந்தவர் கலா (34, பெயர் மாற்றப்பட்டுள்ளது). மீன் வியாபாரி. இவரது 16 வயது மகள், பாரிமுனையில் உள்ள துணிக்கடையில் வேலை செய்து வருகிறார். சிறுமி கடந்த இரண்டு வருடங்களுக்கு முன்பு பிரகாஷ் என்பவரை காதலித்து திருமணம் செய்து கொண்டார். இவர்களுக்கு ஒரு வயது குழந்தை உள்ளது. இந்நிலையில், கருத்து வேறுபாடு காரணமாக கடந்த 6 மாதங்களாக கணவரை பிரிந்து, தனது பெற்றோருடன் சிறுமி வசித்து வருகிறார். அப்போது, சதீஷ்குமார் என்பவருடன் பழக்கம் ஏற்பட்டு, கடந்த 3ம் தேதி அவருடன் சென்றார். புகாரின் பேரில், போலீசார் நேற்று முன்தினம் திருவாலங்காடு பகுதியில் தங்கியிருந்த சிறுமி மற்றும் சிறுமியின் காதலனான ஓட்டேரி பகுதியைச் சேர்ந்த டேனி (எ) சதீஷ்குமாரை (19) பிடித்தனர். சிறுமியை காவல் நிலையம் அழைத்து வந்து விசாரணை நடத்தியதில், சிறுமி 2 வருடங்களுக்கு முன்பு பிரகாஷ் என்பவரை காதலித்து திருமணம் செய்தபோது சிறுமி கர்ப்பமாக இருந்த காலத்தில், மருத்துவமனையில் போலியான வேறு ஒரு நபரின் ஆதார் கார்டை கொடுத்து சிறுமியின் வயதை மறைத்து குழந்தை பெற்றுக் கொண்டதும், அதன் பிறகு கருத்து வேறுபாடு காரணமாக பிரிந்து தற்போது சதீஷ்குமார் என்பவரை காதலித்து அவருடன் சென்றதும் தெரிய வந்தது.
