வானூர் அருகே விபத்தில்லா தீபாவளி விழிப்புணர்வு நிகழ்ச்சி
தீபாவளி பண்டிகையை முன்னிட்டு, பொது மக்கள் மற்றும் பள்ளி, கல்லுாரி மாணவர்களிடையே விழிப்புணர்வு ஏற்படுத்தப்பட்டு வருகிறது. அந்த வகையில், வானுார் தீயணைப்பு நிலையம் சார்பில், விபத்து இல்லா தீபாவளி கொண்டாடுவது குறித்து விழிப்புணர்வு நிகழ்ச்சி திருச்சிற்றம்பலம் பஸ் நிறுத்தத்தில் நேற்று நடந்தது. தீயணைப்பு நிலைய அலுவலர் (பொ) ராஜா தலைமையில், தீயணைப்பு வீரர்கள் விழிப்புணர்வு ஏற்படுத்தினர். அப்போது, விபத்தில்லா தீபாவளி பண்டிகையை எவ்வாறு பாதுகாப்புடன் பட்டாசு வெடித்து கொண்டாடுவது குறித்தும், தீ விபத்து ஏற்பட்டால், அதனை விரைந்து அணைப்பது குறித்தும் பொது மக்களுக்கு விளக்கம் அளித்து, விழிப்புணர்வு துண்டு பிரசுரங்கள் வழங்கினர்.
