ராணிப்பேட்டை தனியார் விடுதியில் ரத்ததான முகாம்
ராணிப்பேட்டை பாரதிநகரில் உள்ள தனியார் விடுதியில் வேலூர் ரவுண்ட் டேபிள் டிரஸ்ட், லேடீஸ் சர்க்கிள் ஆகியவை வாலாஜாப்பேட்டை அரசு தலைமை மருத்துவமனையுடன் இணைந்து ரத்ததான முகாம் நடத்தின. இந்த நிகழ்ச்சியில் ராணிப்பேட்டை மற்றும் அதன் சுற்றுவட்டார பகுதிகளை சேர்ந்த 100-க்கும் மேற்பட்டோர் ரத்ததானம் செய்தனர். தொடர்ந்து வாலாஜாப்பேட்டை அரசு தலைமை மருத்துவமனைக்கு சேகரிக்கப்பட்ட ரத்தம் கொண்டு செல்லப்பட்டது. முடிவில் ரத்ததானம் செய்தவர்களுக்கு வேலூர் ரவுண்ட் டேபிள் தலைவர் விவேக் சான்றிதழ்களை வழங்கினார். இந்த நிகழ்ச்சியில் மருத்துவர் கீர்த்திசுரேஷ், ஒருங்கிணைப்பாளர்கள் ஆதித்யா, ராஜா, காயத்ரி உள்பட பலர் கலந்து கொண்டனர்.
