காவேரிப்பாக்கத்தில் இலவச கண் சிகிச்சை முகாம்
காவேரிப்பாக்கம் ஒன்றியம் பெருவளையம் ஊராட்சியில், ஊராட்சி மன்ற நிர்வாகம், சென்னை டாக்டர் அகர்வால் கண் மருத்துவமனை, குறிஞ்சி இண்டர்நேஷ்னல் டிரஸ்ட் மற்றும் ராணிபேட்டை மாவட்ட பார்வையிழப்பு தடுப்புச் சங்கம் ஆகியவை இணைந்து நடத்தும் இலவச கண் சிகிச்சை முகாம் கிராம சேவை மையத்தில் நடைபெற்றது. முகாமை ஊராட்சி மன்ற தலைவர் சி.எஸ்.கே. குமரேசன் தலைமை தாங்கி தொடங்கி வைத்தார். முகாமில் பெருவளையம் சுற்றுவட்டாரத்தைச் சேர்ந்த பொதுமக்கள் கலந்துகொண்டு தூரப்பார்வை, கிட்டப்பார்வை உள்ளிட்ட கண் தொடர்பான நோய்களுக்குப் பரிசோதனை செய்து சிகிச்சை பெற்றனர். மேலும் கண் தொடர்பான பிரச்சினைக்கு ஆலோசனை வழங்கப்பட்டது. அறுவைச்சிகிச்சை தேவைப்பட்டவர்களுக்கு அகர்வால் கண் மருத்துவமனைக்கு இலவச அறுவைச்சிகிச்சை செய்வதற்குப் பரிந்துரை செய்யப்பட்டது. இதில் ஊராட்சி மன்றத் துணைத்தலைவர் ஆர்.சுரேஷ், கண் மருத்துவமனை டாக்டர்கள், ஊராட்சி செயலாளர் சீனிவாசன், ஊராட்சி மன்ற உறுப்பினர்கள் மற்றும் கிராமப் பொதுமக்கள் பலர் கலந்துகொண்டனர்.
